K’iăng Khua Knŭk kna Hồ Quốc Dũng  mrâo nao ksiêm dlăng leh anăn mă bruă hŏng Bruă sang čư̆ êa čar Gia Lai kơ bruă hluê ngă hdră bruă Quang Trung đru kơ mnuih ƀuôn sang msir boh jhat  mơ̆ng klei yan adiê ngă, bi hơĭt klei hdĭp. Hluê ngă hdră bruă, čar Gia Lai tiŏ nao êbeh 1.200 čô knuă druh, lĭng kahan leh anăn 650 čô kahan ksiêm đru ngă bruă rŭ mdơ̆ng, mkra mđĭ sang dôk kơ mnuih ƀuôn sang. Truh kơ ară anei, jih jang êbeh 27.500 boh sang čiăng mkra mđĭ dưi bi leh, hlăm ênoh 674 boh sang mkra mrâo, êbeh 96% dưi bi leh, dŭm boh sang dôk srăng gĭr bi leh êlâo kơ hruê 15/1/2026 hluê si klei gĭt gai mơ̆ng Khua Knŭk kna. K’iăng Khua Knŭk kna bi myuôm ai tiê, klei nao hgŭm mơ̆ng čar Gia Lai hlăm hdră bruă Quang Trung, mbĭt hŏng klei đru tŭ dưn mơ̆ng êpul lĭng kahan, kahan ksiêm.

K’iăng Khua Knŭk kna mñă kơ dŭm alŭ wăl lŏ dơ̆ng ksiêm dlăng grăp gŏ sang čiăng hmao msir klei kpăk, rơ̆ng kơ mnuih ƀuôn sang drông tết Nguyên đán Bính Ngọ Bính Ngọ êđăp ênang, hơĭt kjăp leh anăn ngă dŭm hră êlan bi hơĭt hlăm wưng sui.