Hlue ngă klei gĭt gai mơ̆ng Khua knŭk kna, Anôk bruă gĭt gai lĭng kahan čar pral đru kčĕ hŏng Knơ̆ng bruă sang čư̆ êa čar leh anăn Anôk bruă gĭt gai gang mkhư̆ sơ wil čar pŏk ngă hdră, bi mklă đru kơ mnuih ƀuôn sang hnưm mâo sang dôk êđăp ênang, hơĭt kjăp jing bruă klam phŭn, mđing mrô sa.

Êpul kmeh gơ̆ng mâo lĭng kahan leh anăn kahan ƀuôn hgŭm ruh mgaih anôk ala, mkra mđĭ, mdơ̆ng sang dôk kơ dŭm gŏ êsei mnuih ƀuôn sang tŭ klei luč liê.  Hlăm ênoh 35 boh sang dưi pŏk ngă, mâo 6 boh sang mkra mrâo leh anăn 29 boh mkra mđĭ, jih jang bi leh leh anăn jao kơ mnuih ƀuôn sang êlâo kơ wưng kčah. Ênoh bi liê hlue ngă êbeh 2,9 êklai prăk, iêô mkrum mơ̆ng prăk knŭk kna čar, dŭm phŭn đru leh anăn giăm 2.500 hruê ai mă bruă phung knuă druh, lĭng kahan.