Aguah 13/1, ti Anôk Bi kƀĭn ala čar, Khua hlăm Phŭn bruă kđi čar, Khua Anôk dlăng bruă Đảng Trần Cẩm Tú, Khua Anôk bruă mkŏ mjing bruă knuă kơ Klei bi kƀĭn phung bi ala kluôm ala tal XIV mơ̆ng Đảng gĭt gai ksiêm dlăng bruă ngă mprăp kơ Klei kđi čar yuôm bhăn mơ̆ng lăn čar.Anôk dlăng bruă Đảng ksiêm dlăng leh bruă mprăp ti anôk bi kƀĭn; anôk bruă nah gŭ Bruă klei mrâo, Anôk bruă gĭt gai mơ̆ng Phŭn bruă kahan ksiêm, dŭm adŭ bruă djŏ tuôm, bruă mdrao mgŭn leh anăn dŭm hdră msir rơ̆ng êđăp ênang.

Mơ̆ng klei ksiêm dlăng, dŭm boh phŭn klă klơ̆ng ngă djŏ klei čiăng, hnơ̆ng kčah leh. Anôk dlăng bruă Đảng mtă kơ dŭm anôk bruă bi hgŭm kjăp, ksiêm dlăng bi nik čiăng mkra bi jăk djăp bruă, klei mprăp kơ klei bi kƀĭn Đảng. Hŏng klei akâo leh klei ksiêm dlăng, Anôk dlăng bruă Đảng mtă kơ dŭm, dhar bruă mjêč bi hgŭm msir mgaih, hlue ngă kjăp klei bhiăn, hdră kčah, hŏng klei kñăm jing rơ̆ng kơ Klei bi kƀĭn phung bi ala kluôm ala tal XIV mơ̆ng Đảng mkŏ mjing tŭ jing, êđăp ênang, kdrưh kơăm leh anăn djŏ klei čiăng kđi čar.