Khua lăn čar mñă bruă dua ala čar bi mklă mkra mđĭ jing klei bi mjĕ Ƀĭng hgŭm phŭn kluôm dhuôm, hdră bi hgŭm kdlưn hĭn, bi êdah klei mpŭ lehanăn klei gĭr hlăm bruă kđi čar mơ̆ng dua tĭng, ba klei bi mjĕ Việt Nam – EU klă sĭt jing gru hmô bi hgŭm jăk.

Khua kiă kriê Êpul hgŭm Ơrôp António Costa bi myuôm klei bi mjĕ mơ̆ng EU lehanăn Việt Nam đĭ jing Ƀĭng hgŭm phŭn kluôm dhuôm jing sa klei bi mklă hƀuê ênuk, mbĭt anăn bi êdah hnơ̆ng trah dlăng mđing truh kơ êdei anăp mơ̆ng dua tĭng. Klei kuôl kă anei bi êdah boh tŭ dưn mơ̆ng 35 thŭn bi hgŭm kjăp, hưn mdah klă ktuê êlan đĭ kyar mơ̆ng klei bi mjĕ EU – Việt Nam hluê hdră blŭ hră, đăo knang, mpŭ hdơ̆ng găp lehanăn ƀuăn rơ̆ng kyua klei êđăp ênang, đĭ kyar./.