VOV4.Êđê- Tlam 8/4, ti Hà Nội, Khua knŭk kna Phạm Minh Chính nao hlăm Knăm hưn mdah Hdră ênoh mrô ksiêm dlăng boh tŭ hlue ngă Klei kuôl kă mnia blei êngiê (FTA Index) mơ̆ng dŭm alŭ wăl thŭn 2024.

VOV4.Êđê - Mmăt mbruê (07/04), ti Anôk bruă Knŭk kna, Khua knŭk kna Phạm Minh Chính gĭt gai Klei bi kƀĭn mơ̆ng Knŭk kna hŏng dŭm Phŭn, dhar bruă, anôk bruă bi ala Việt Nam ti ala tač êngao, dŭm êpul, anôk bruă duh mkra čiăng bi trông kơ hdră msir mdrơ̆ng hŏng boh klei mrâo djŏ tuôm kơ hdră mnia mblei hŏng ala tač êngao.

VOV4.Êđê - Bruă Đảng čar Dak Lak mkŏ mjing Klei bi kƀĭn Anôk kriê dlăng bruă Đảng čar Dak Lak tal 31 hŏng lu mta bruă yuôm bhăn.

VOV4.Êđê - Aguah 7/4, ƀri wưng nao čuh brui mngưi bi hdơr Hruê djiê mtao Hùng, Khua lăn čar Lương Cường nao čuă, mđĭ ai leh phung knuă druh, lĭng kahan, kahan ksiêm čar Phú Thọ ti Anôk bruă hâo hưn, gĭt gai kahan ksiêm čar Phú Thọ ti Wăl knhuah gru hƀuê ênuk Sang yang Hùng.

VOV4.Êđê - Aguah mbruê (7/4 -jing hruê 10/3 thŭn Ất Tỵ), ti Điện Kính Thiên ti dlông čŏng čư̆ Nghĩa Lĩnh hlăm Wăl knhuah gru ala čar Sang yang Hùng, bruă Đảng, bruă knŭk kna lehanăn mnuih ƀuôn sang čar Phú Thọ bi ala kơ mnuih ƀuôn sang, lĭng kahan lehanăn mnuih ƀuôn sang dôk ti ala tač êngao, mkŏ mjing leh Knăm čuh brui mngưi bi hdơr kơ phung mtao Hùng.

VOV4.Êđê- Hlue ngă hdră bi lông “Hrăm mbĭt lăm lui sang tĭ, ƀrôč hlăm kluôm ala thŭn 2025” hlue si Knŭk kna gĭt gai, truh knhal jih mlan 3 čar Kon Tum mkra mrâo, mkra mđĭ 1.776 boh sang hlăm ênoh 2.752 boh sang. Hŏng klei gĭr truh knhal jih mlan 6 kơ anăp jih jang gŏ êsei ƀun, giăm ƀun, gŏ sang mâo klei hdĭp dleh dlan amâo lŏ hdĭp hlăm dŭm boh sang tĭ, ƀrôč ôh, phung đảng viên ti čar Kon Tum dôk ba anăp đru kơ mnuih ƀuôn sang mkŏ mkra pưl sang prŏng siam, kjăp mâo ênoh yuôm hĭn hŏng hnơ̆ng đru.

VOV4.Êđê- Hlăm dŭm thŭn êgao, bruă duh mkra - ala ƀuôn ti krĭng mnuih djuê ƀiă ti čar Bà Rịa- Vũng Tàu ƀrư̆ đĭ kyar hĭn. Dưi mâo klei tŭ anăn jing kyua mâo klei mđing uêñ mơ̆ng dŭm gưl bruă Đảng, bruă sang čư̆ êa hŏng klei gĭr găn klei dleh dlan mơ̆ng mnuih ƀs, hlăm anăn mâo klei đru mguôp ai tiê mơ̆ng phung mâo kơhưm. Diñu amâo djŏ knŏng jing phung mkŏ bruă sang čư̆ êa ôh ƀiădah lŏ jing anôk knang kơ mnuih djuê ƀiă.

VOV4.Êđê- Knăm bi hdơr kơ Mtao Hùng ( hruê 10 mlan 3 hruê mlan ƀlĕ) amâo djŏ knŏng jing wưng bi hdơr kơ phŭn agha ana hruê̆, ƀiădah lŏ mâo boh tŭ yuôm mjuăt bi hriăm hŏng ênuk gưl hđeh, krŭ wĭt ai tiê ktưn hưn djuê ana, klei khăp kơ ala čar lehanăn klei thâo săng kriê kjăp dŭm boh tŭ yuôm dhar kreh djuê ana mơ̆ng đưm. Hrăm mbĭt hŏng ai êwa anăn, phung nai lehanăn hđeh hriăm hră ti Sang hră gưl dua Nguyễn Văn Cừ (ƀuôn prŏng Ƀuôn Ama Thuôt, čar Dak Lak) mkŏ mjing lu hdră bruă msĕ si klei bi lông tui ksiêm kơ hƀuê ênuk mtao Hùng, mdah wĭt klei yăl dliê djuê ana. Mơ̆ng anăn, phung hđeh amâo djŏ knŏng mâo klei găl thâo săng kơ hƀuê ênuk hŏng klei klă mngač ƀiădah lŏ đru ksŭl mbŭ ai tiê hgŭm mguôp lehanăn klei đua klam hŏng ƀuôn sang, ala čar.

VOV4.Êđê- Aguah 4/4, ti Anôk bruă bi ala Lào ti Hà Nội, Khua knŭk kna Phạm Minh Chính ngă khua Êpul bi ala knŭk kna Ala čar yang ƀuôn ngă phŭn Việt Nam nao dưm kwang mnga, čang Khamtay Siphandone – khua hđăp Đảng yang ƀuôn krŭ kdơ̆ng Lao, Khua lăn čar hđăp, Khua knŭk kna hđăp ala čar Lao.

VOV4.Êđê- Aguah mbruê 4/4, Ti anôk bruă bi ala Lào ti ƀuôn prŏng Hồ Chí Minh, k’iăng khua bruă Đảng ƀuôn prŏng Hồ Chí Minh Nguyễn Thanh Nghị ba anăp êpul bi ala nao čang ênuh Khamtay Siphandone.