Blŭ hrăm hlăm mmông mă bruă, Khua gĭt gai Đảng, Khua lăn čar Tô Lâm lač klă, wưng êgao, khădah ênoh klei ngă soh hlăm hdră bhiăn mnuih ƀuôn sang, hdră bhiăn knŭk kna đĭ, klei mâo ƀrư̆ hruê ƀrư̆ dleh ksiêm dlăng, dŭm gưl bruă Đảng, êpul bruă Đảng lehanăn anôk bruă hdră bhiăn mâo leh lu klei gĭr, mâo boh tŭ dưn jăk. Khă snăn, klei mâo dŭm klei ngă soh dôk sui ka dưi msir mghaih jih. Khua gĭt gai Đảng, Khua lăn čar Tô Lâm mtă brei mđĭ hĭn klei gĭt gai mơ̆ng Đảng hŏng bruă gang mkhư̆, msir mghaih klei amâo thâo bi djŏ hlăm mnuih ƀuôn sang, bruă knŭk kna leh anăn ngă hră mơar.

Mbĭt anăn brei lŏ dơ̆ng bi leh mđrăm mbĭt hdră bhiăn, rơ̆ng klei dưi mơ̆ng mnuih ƀuôn sang dưi răng mgang nanao mơ̆ng gang mkhư̆ klei amâo thâo bi djŏ truh kơ ngă hră mơar, msir mghaih klei amâo thâo bi djŏ. Khua gĭt gai Đảng, Khua lăn čar mtă kơ dŭm anôk bruă mjêč mkŏ mjing hluê ngă dŭm bruă klam mâo klei djŏ tuôm; bruă leh klă snăn ngă mtam, bruă dôk kpăk snăn čŏng mghaih msir, amâo mâo mđĭ mđăl, amâo mâo dôk guôn hdơ̆ng găp. Grăp bruă klam brei bi klă anôk bruă gĭt gai, anôk bruă bi hgŭm, mnơ̆ng dhơ̆ng, hnơ̆ng ngă bruă.