Klei bi kƀĭn jing Klei bi kƀĭn mtrŭt mjhar pŏk ngă 4 gru hmô bi hmô Hdră bruă "Bruă sang čư̆ êa yang ƀuôn mrô", mâo: "Mnuih ƀuôn sang mrô êdah kdlưn", "Alŭ, ƀuôn, krĭng ƀuôn sang mrô êdah kdlưn", "Ƀuôn sang mrô - Mđĭ kyar mơ̆ng kdrăp mrâo" leh anăn "Ƀuôn sang mrô - krĭng mnuih djuê ƀiă".

Bruă anei mđing truh kơ mta kñăm bi lar klei thâo mrô, đru kơ mnuih ƀuôn sang krĭng taih kbưi, krĭng mnuih djuê ƀiă čŏng pô dưi yua kdrăp mrâo, bruă knŭk kna online leh anăn mđĭ kyar hdră duh ƀơ̆ng. Mbĭt anăn, hdră lŏ mkŏ mjing klei kƀĭn trông kreh knhâo, bi trông kơ bruă ba yua kdrăp mrâo mrang, bi mlih mrô, klei thâo anak mnuih, tui duah phŭn agha hlăm hdră duh mkra mnơ̆ng hlăm êa, mbĭt hŏng Wăl rang mdah, hưn mthâo lu hdră msir, mnơ̆ng dhơ̆ng kdrăp mrâo mrang.