Hdră kčah mđĭ kyar bruă hiu čhưn ênguê hluê hdră mđĭ hnơ̆ng tŭ jăk, ênoh yuôm leh anăn klei tui ksiêm, bi mlih mơ̆ng klei mĭn "tĭng yap ênoh tuê" jing mđĭ ênoh yuôm hlăm grăp tuê. Truh thŭn 2030, Dak Lak gĭr ktưn drông êbeh 15 êklăk gưl tuê, hnư hrui wĭt bruă hiu čhưn ênguê đru mguôp hlăm brô 12.5% GRDP; mkŏ mjing dŭm ktuê êlan mkŏ krĭng lăn dap kngư hŏng êa ksĭ leh anăn dŭm wăl anôk hdĭp mda, dhar kreh mdê hjăn.

Hnơ̆ng trah dlăng truh thŭn 2050, čar mđing truh jing anôk hiu čhưn ênguê wăl mnơ̆ng hdĭp, dhar kreh jăk siam, mbĭt anăn mkŏ mjing anôk truh kphê mơ̆ng Asi. Khua knơ̆ng bruă sang čư̆ êa čar Đỗ Hữu Huy mtă brei bi mklă mnơ̆ng dhơ̆ng hiu čhưn ênguê phŭn, hlăm anăn mâo kphê, êman, dhar kreh čing čhar, dhar kreh êa ksĭ leh anăn wăl mnơ̆ng hdĭp dliê kmrơ̆ng; mguôp hŏng mđĭ kyar hiu čhưn ênguê mtah.