Hruê 1/10, bruă Đảng knơ̆ng gĭt gai lĭng kahan čar Dak Lak mkŏ mjing Klei bi kƀĭn ba mdah hdră mtrŭn gĭt gai hluê ngă bruă klam gưl IV thŭn 2026. Hlăm wưng êgao, bruă Đảng knơ̆ng gĭt gai lĭng kahan čar Dak Lak gĭt gai leh êpul lĭng kahan bi leh jăk dŭm bruă klam dưi jao; đru kčĕ hŏng bruă Đảng čar, bruă sang čư̆ êa čar gĭt gai kluôm dhuôm bruă lĭng kahan, răng mgang klei êđăp ênang alŭ wăl leh anăn knông lăn; mkŏ mjing tŭ jing klei hriăm mjuăt alŭ wăl răng mgang čar leh anăn gĭt gai dŭm să, ƀuôn hgŭm mkŏ mjing klei hriăm mjuăt hluê si hdră kčah.

Hlăm "Hdră bruă 500 hruê mlam", Êpul K51, Knơ̆ng gĭt gai lĭng kahan čar Dak Lak bi hgŭm hŏng dŭm êpul bruă djŏ tuôm hlăm ala čar leh anăn ala čar Campuchia, mkŏ mjing klei tui duah, bi kƀĭn mâo 36 klang lĭng kahan djiê êngiă.

 Hlăm anăn, mâo 23 klang lĭng kahan djiê êngiă tui duah, bi kƀĭn hlăm alŭ wăl čar; 13 klang lĭng kahan djiê êngiă tui duah, bi kƀĭn hlăm ala čar Campuchia. Blŭ hrăm ti anôk bi kƀĭn, Lương Nguyễn Minh Triết, Khua hlăm bruă Đảng gưl dlông, Khua bruă Đảng čar, Khua bruă Đảng kahan čar Dak Lak mñă klă klei čiăng lŏ dơ̆ng hluê ngă ktang phĭt Hdră bruă 500 hruê mlam kơ bruă mtrŭt mđĭ klei tui duah, bi kƀĭn leh anăn bi klă anăn klang lĭng kahan djiê êngiă.