Mơ̆ng mlan 6 truh kơ ară anei, alŭ wăl anei mâo leh 8 blư̆ klưh hroh lăn mbĭt hŏng boh tâo tơdah adiê hjan, huĭ srăng ngă luč klei êđăp ênang kơ mnuih leh anăn êdeh êdâo. Hluê si klei ksiêm dlăng,  taluy dlông hlăm brô 20/25m, dlông hlăm brô 120m; boh lăn jing lăn mtlai hŏng boh tâo, amâo hơĭt kjăp kluôm, ênưih lŏ klưh hroh tơdah adiê hjan prŏng.

Hdră msir mghaih jing bi hrŏ hnơ̆ng dlông taluy ti anôk klưh hroh, leh kơ anăn mñam aruăt msei gang mkhư̆ klei klưh hroh lăn... Ênoh prăk mĭn tĭng hlăm brô 15.64 êklai prăk, bi liê mơ̆ng ngăn prăk gang mkhư̆ klei yan adiê ngă thŭn 2025 adôk leh anăn ngăn prăk bi mlih mơ̆ng dŭm hdră bruă mkăn. Êlâo anăn, adiê hjan prŏng ngă kơ boh tâo mơ̆ng taluy nah dlông ti kčŭn čư̆ Prenn lĕ hlăm ktuê êlan, ngă gun kpăk hlăm êlan klông. Hruê 22/9, Knơ̆ng bruă sang čư̆ êa čar Lâm Đồng hưn mthâo klei mjêč kơ klei yan adiê ngă ti alŭ wăl anei.