Leh bi mŭt mbĭt, Êpul hgŭm dŭm êpul hgŭm čar Dak Lak bi klă mkŏ mjing, ară anei mâo 9 êpul hgŭm. Mbĭt hŏng krơ̆ng kjăp dŭm klei mjĕ giăm, Êpul hgŭm bi mklă mta kñăm wưng păn bruă mrâo jing pŏk mlar klei mjĕ giăm hŏng ala tač êngao, čŏng pô mkŏ mjing ƀĭng hgŭm, mtrŭt mjhar klei đru mguôp djŏ guôp hŏng klei čiăng mđĭ kyar mơ̆ng čar leh anăn mđĭ boh tŭ hdră ngă bruă mơ̆ng dŭm êpul hgŭm.

Hlăm wưng êgao, dŭm êpul hgŭm krơ̆ng kjăp klei mjĕ mjuk mnuih ƀuôn sang hŏng Lào, Campuchia, Japon, Dhŭng Korea, India leh anăn lu ƀĭng hgŭm mkăn. Dŭm bruă ngă anei đru mđĭ klei thâo săng, klei mjĕ mjuk plah wah mnuih ƀuôn sang Dak Lak, Phú Yên hŏng dŭm ala čar; hlăm anăn, klei mjĕ mjuk hŏng čar Mondulkiri mơ̆ng Campuchia đru mkŏ mkra krĭng knông lăn êđăp ênang, bi hgŭm. Thŭn anei, êpul hgŭm bi hgŭm pŏk ngă, bi leh 8 hdră đru mjêč leh klei êa lip lêč mơ̆ng dŭm êpul êya ala tač êngao, hŏng ênoh êbeh 56 êklai prăk.