K'iăng Khua knŭk kna Phạm Thị Thanh Trà, Khua Anôk bruă ala čar kơ bruă tui duah, hrui mƀĭn leh anăn bi mklă anăn phung kahan djiê êngiă, nao hlăm knăm bi hdơr kơ phung kahan djiê êngiă.

Hlăm ai êwa kdrưh kơăm, phung bi ala, knuă druh, lĭng kahan leh anăn mnuih ƀuôn sang dŭm djuê ana čar Lào Cai lui mmông bi hdơr, čuh brui mngưi, myơr mnga bi hdơr kơ phung kahan djiê êngiă. Anei jing boh tŭ dưn leh 4 mlan hluê ngă Hdră bruă 500 hruê mlam mtrŭt mđĭ hdră tui duah, bi kƀĭn leh anăn bi mklă anăn phung kahan djiê êngiă. Êpul bi kƀĭn êjai Anôk bruă gĭt gai lĭng kahan čar Lào Cai ksiêm dlăng leh dŭm êbâo ha, tui duah leh anăn bi kƀĭn 71 klang kleh phung kahan djiê êngiă, hlăm anăn bi mklă anăn 2 čô kahan djiê êngiă jing Lý A Tở leh anăn Triệu Văn Mão.