Blŭ hrăm klah čŭn klei bi kƀĭn, Khua gĭt gai Đảng, Khua lăn čar Tô Lâm, Khua gĭt gai Knơ̆ng gĭt gai lĭng kahan gưl dlông čih yap, bi mni kơ boh tŭ dưi mâo hlăm wưng tlâo mlan tal III, hlăm anăn Knơ̆ng gĭt gai lĭng kahan gưl dlông gĭt gai jih jang lĭng kahan hluê ngă kjăp klei gĭt gai, ktrâo lač mơ̆ng Đảng, Knŭk kna, mđĭ lar knhuah gru kdrưh kơăm leh anăn knhuah gru "Lĭng kahan Awa Hô", hgŭm mguôp, găn jih klei dleh dlan, pŏk ngă kluôm dhuôm dŭm bruă klam lĭng kahan, răng mgang klei êđăp ênang.

Mñă klă, gưl IV jing wưng mâo klei yuôm bhăn bi mklă kơ boh tŭ dưn bi leh bruă klam thŭn 2026, Khua gĭt gai Đảng, Khua lăn čar mtă kơ Knơ̆ng gĭt gai lĭng kahan gưl dlông brei mđing gĭt gai pŏk ngă ktang phĭt dŭm hdră msir, gĭr bi leh kluôm dhuôm dŭm mta kñăm, bruă klam thŭn 2026 hŏng boh tŭ dưn lu hĭn. Lŏ dơ̆ng gĭt gai jih jang lĭng kahan čŏng pô, pral kdal, păn kjăp, thâo ƀuh, ksiêm dlăng djŏ boh sĭt, bi leh jăk bruă klam đru kčĕ hŏng Đảng, Knŭk kna hdră êlan mghaih msir hŏng klei mbruă, tŭ dưn dŭm boh klei mâo, amâo brei mâo klei êdu kƀah, amâo thâo ƀuh, boh nik dŭm boh klei hdră êlan, boh klei knông lăn, êa ksĭ, plao ksĭ, êlan internet.