Ti Klei bi kƀĭn, phung bi ala hmư̆ Klei hưn mdah klah čŭn boh tŭ ngă bruă 9 mlan êgao; hdră tă, bruă klam ngă phŭn 3 mlan knhal jih thŭn 2026 hlăm bruă Đảng kahan ksiêm gưl dlông lehanăn dŭm klei hưn mdah thơ̆ng kơ bruă…

Blŭ gĭt gai ti Klei bi kƀĭn, Khua gĭt gai Đảng, Khua lăn čar Tô Lâm mñă, mơ̆ng akŏ thŭn truh kơ ară anei, boh nik hlăm Gưl 3, êpul kahan ksiêm yang ƀuôn lŏ dơ̆ng bi mklă bruă klam bi hmô hluê ngă dŭm hdră êlan, hdră mtrŭn mơ̆ng Đảng. Hlăm anăn đru kčĕ ba mdah 02 Hdră mtrŭn mơ̆ng Anôk kriê dlăng bruă Đảng gưl dlông kơ Hdră êlan klei êđăp ênang ala čar leh anăn mkŏ mjing yang ƀuôn kjăp ktang, êđăp ênang, kreh dhar, bi knar, đĭ kyar. Kơ bruă klam mơ̆ng ară anei truh kơ knhal jih thŭn, Khua gĭt gai Đảng, Khua lăn čar Tô Lâm mtă kơ Êpul kahan ksiêm yang ƀuôn mđing bi klă, hluê ngă hŏng klei klă klơ̆ng klei mĭn "klei êđăp ênang čŏng pô" hlăm dŭm mta bruă kahan ksiêm.