Hnơ̆ng đĭ kyar 9 mlan mơ̆ng Dak Lak mâo 8.22%, ƀiă hĭn hdră kčah; čiăng dưi mâo mta kñăm đĭ kyar mơ̆ng 10% kơ dlông hlăm thŭn anei, gưl IV čar čiăng đĭ kyar êbeh 13%. Dak Lak dôk mđing ruh mgaih dŭm anôk gun kpăk kơ bruă duh bi liê knŭk kna, lăn ala, ruh mgaih anôk ala, mbĭt anăn mtrŭt mđĭ dŭm ai dưi leh iêo jak hnưm nao hlăm bruă mkra mjing, mnia mblei. 9 mlan thŭn 2026, čar Dak Lak mđing ruh mgaih dŭm anôk gun kpăk kơ klei bhiăn, lăn ala, ruh mgaih anôk ala leh anăn duh bi liê knŭk kna hluê hdră "6 klă".

Hnơ̆ng đĭ kyar 9 mlan mơ̆ng čar mâo 8.22%; ênoh prăk bi mnia mblei hŏng ala tač êngao mâo êbeh 2.3 êklai USD; bruă hiu čhưn ênguê đĭ kyar drông hlăm brô 8.34 êklăk gưl čô tuê. Čiăng dưi mâo mta kñăm đĭ kyar 2 ênoh mrô, gưl IV Dak Lak čiăng gĭr ktưn đĭ kyar mâo êbeh 13%. Đỗ Hữu Huy, Khua anôk bruă sang čư̆ êa čar Dak Lak brei thâo, hlăm 3 mlan knhal jih thŭn, alŭ wăl adôk hrui wĭt ngăn prăk 7.254 êklai prăk leh anăn bi liê 8.702 êklai prăk ngăn prăk duh bi liê bruă knŭk kna. Mbĭt anăn, mtă gưl IV brei mlih ktang hdră kiă kriê, amâo djŏ knŏng mđing bi leh dŭm hnơ̆ng kčah ƀiădah brei mjing mnơ̆ng dhơ̆ng leh anăn boh tŭ klă sĭt.