Hluê si klei tĭng yap mơ̆ng čar Gia Lai, ênoh tuê ala tač êngao hriê ti Gia Lai thŭn 2025 knŏng mâo hlăm brô 125.000 čô, knŏng hlăm brô 1% hlăm ênoh êbeh 12 êklăk čô tuê hriê ti alŭ wăl. Mta phŭn sa kdrêč jing klei kƀah dŭm êlan phiơr phŭn mkŏ klă anăp.

Čiăng rơ̆ng klei tŭ dưn hlăm hdră pŏk ngă, čar Gia Lai mtă kơ anôk bruă hiu čhưn ênguê tŭ dưn brei mâo anôk bruă amâodah bi hgŭm ti alŭ wăl, ƀuăn rơ̆ng mâo hnơ̆ng djăp ênŭm wăl anôk ƀiă êdi 50% hlăm 6 mlan tal êlâo wưng pŏk anôk mnia mblei leh anăn mđĭ êbeh 70% hlăm wưng êdei anăn.Tĭng dlăng, ênoh prăk pŏk ngă kơ hdră anei mơ̆ng ară anei truh jih thŭn 2027 jing giăm 95 êklai prăk. Hdră mtrŭn mâo klei tŭ dưn ba yua mơ̆ng hruê 10/10/2026 truh jih hruê 31/12/2027. Anei jing hdră mtrŭn kdlưn hĭn čiăng iêô jak phung tuê ala tač êngao dưi tla prăk lu leh anăn dôk jưh sui hruê ti Gia Lai.