VOV.Êđê- Ti ƀuôn hgŭm Quy Nhơn, Anôk bruă ksiêm yap knŭk kna leh anăn Anôk kriê dlăng bruă Đảng čar, Êpul gơ̆ng bruă ƀuôn sang, Knơ̆ng bruă sang čư̆ êa dŭm čar Gia Lai, Khánh Hòa, Dak Lak mkŏ mjing Klei bi kƀĭn ksiêm wĭt bruă hluê ngă hdră bi hgŭm bruă wưng thŭn 2023–2026 leh anăn siñê hdră bi hgŭm kơ wưng kơ anăp.

VOV.Êđê- - Lŏ dơ̆ng hdră bi tuôm hŏng mnuih ƀuôn sang êlâo kơ Klei bi kƀĭn tal 2, Anôk bruă kƀĭn ala gưl XVI, hruê 13/10, ti ƀuôn hgŭm Sông Cầu, Nguyễn Thanh Nghị, Khua Anôk bruă hdră êlan, hdră kčah Gưl dlông mbĭt hŏng Êpul bi ala Anôk bruă kƀĭn ala čar Dak Lak bi tuôm hŏng mnuih ƀuôn sang dŭm ƀuôn hgŭm Sông Cầu, Xuân Đài leh anăn să Xuân Thọ, čar Dak Lak.

VOV.Êđê- Hruê mbruê (13/10), ti anôk bruă Phŭn bruă sang hră mtô bi hriăm, Êpul ksiêm dlăng mơ̆ng Anôk kriê dlăng bruă Đảng gưl dlông kơ bruă pŏk ngă Hdră mtrŭn 71 mơ̆ng Phŭn bruă kđi čar mkŏ mjing klei bi kƀĭn hưn mdah klei bi mklă leh anăn hdră kčah ksiêm dlăng hŏng Anôk dlăng bruă Đảng Phŭn bruă sang hră mtô bi hriăm.

VOV.Êđê- Tlam mbrue (13/10), hlăm hdră nao mă bruă ti ƀuôn prŏng Hồ Chí Minh, Khua knŭk kna Lê Minh Hưng nao ksiêm dlăng leh anôk dôk rŭ mkra Hdră bruă Êlan mnuôr mđoh êa Tham Lương - Bến Cát - Rạch Nước Lên lehanăn Hdră bruă msir mghaih klei êngăp êa ti krĭng ƀuôn prŏng Hồ Chí Minh.

VOV.Êđê- Leh lu mlan hjan nanao, ti dŭm să ti krĭng nah Yŭ mơ̆ng čar Gia Lai mâo nanao klei klưh hroh lăn hma, boh nik jing krĭng ktuê hang krông, hnoh êa. Klei anei ngă leh kơ lu ênhă ana sui thŭn, mâo ênoh yuôm bruă duh mkra mơ̆ng mnuih ƀuôn sang tuôm hŏng klei klưh hroh, klưh rai. Mnuih ƀuôn sang alŭ wăl rŭng răng leh anăn amâo hơĭt ai tiê êjai ênhă lăn pla mjing pô hlăk dôk hrŏ ƀrư̆ ƀrư̆, păt dah amâo lŏ dưi krŭ wĭt ôh.

VOV.Êđê- Ti anôk bi kƀĭn online kơ bruă bi kdơ̆ng hŏng klei hiu mă kan hdang soh hŏng klei bhiăn, amâo mâo hưn mthâo, leh anăn amâo mâo djŏ hŏng klei bhiăn (IUU), čar Lâm Đồng mâo klei mtă brei lŏ hyuă kjăp hĭn bruă kiă kriê hŏng kŭm păn, boh nik hŏng dŭm kŭm păn mâo klei arưp aram ngă soh hŏng krĭng êa ksĭ ala tač êngao leh anăn kŭm păn amâo mâo djăp klei dưi ngă bruă.

VOV.Êđê- Hlăm hdră nao čhưn klă klơ̆ng ti China, hruê (13/10), Khua bruă kƀĭn ala Trần Thanh Mẫn leh anăn Êpul bi ala gưl dlông Việt Nam nao čhưn leh ti Wăl anôk mđĭ kyar bruă duh mkra kdrăp mrâo mrang Bắc Kinh.

VOV.Êđê- Hruê mbruê (13/10), ti ƀuôn prŏng Tây An, čar Thiểm Tây, China, Khua bruă kƀĭn ala Trần Thanh Mẫn drông leh Triệu Nhất Đức, Khua hlăm bruă Đảng gưl dlông, Khua bruă Đảng čar Thiểm Tây.

VOV.Êđê- Aguah mbrue (13/10), K'iăng khua knŭk kna Hồ Quốc Dũng, Khua êpul gĭt gai ala čar kơ bruă bi kdơ̆ng hŏng klei trah mă kan hdang soh hŏng klei bhiăn, amâo mâo hưn mthâo leh anăn amâo mâo djŏ hŏng klei bhiăn (IUU) gĭt gai Klei bi kƀĭn tal 36 mơ̆ng Anôk bruă gĭt gai.

VOV.Êđê- Čar Dak Lak mrâo mkŏ mjing Klei bi kƀĭn kreh knhâo "Mđĭ kyar wăl anôk mlih mrâo hŏng klei mbruă čar Dak Lak wưng thŭn 2026–2030, hnơ̆ng trah dlăng truh thŭn 2045", kñăm tui duah hdră msir mjing boh kdrŭt đĭ kyar mrâo.