Tlam hruê 23/1, ti anôk mjưh ruê̆ Klei bi kƀĭn, Trần Thanh Mẫn – Khua hlăm Phŭn bruă kđi čar, Khua bruă Đảng anôk bruă kƀĭn ala, Khua anôk bruă kƀĭn ala hưn mthâo leh boh tŭ Klei bi kƀĭn tal sa Anôk dlăng bruă Đảng gưl dlông, hlăm anăn mâo boh tŭ hưn mthâo, kah mbha mnuih mă bruă păn ngă hlăm Anôk kriê dlăng bruă Đảng gưl dlông tal XIV.

Anôk kriê dlăng bruă Đảng gưl dlông tal XIV tŭ ư hưn mthâo, brei Trần Cẩm Tú, Khua hlăm Phŭn bruă kđi čar lŏ păn ngă Khua hlăm Anôk dlăng bruă Đảng gưl dlông.

Tlam 23/1, ti anôk mjưh ruê̆ Klei bi kƀĭn, Trần Thanh Mẫn – Khua hlăm Phŭn bruă kđi čar, Khua bruă Đảng Anôk bruă kƀĭn ala, Khua bruă kƀĭn ala hưn mthâo leh boh tŭ Klei bi kƀĭn tal sa Anôk dlăng bruă Đảng gưl dlông, hlăm anăn mâo boh tŭ hưn mthâo, ruah mnuih păn bruă hlăm Anôk kriê dlăng bruă Đảng gưl dlông tal XIV.

Anôk kriê dlăng bruă Đảng gưl dlông tal XIV tŭ ư, 200/200 čô khua hlăm Anôk bruă Đảng gưl dlông klă klơ̆ng lehanăn mkăp (mâo 100%), hưn mthâo Trần Cẩm Tú, Khua hlăm Phŭn bruă kđi čar, Khua hlăm Anôk dlăng bruă Đảng gưl dlông tal XIII, Khua bruă Đảng anôk bruă Gưl dlông lŏ djŏ ruah ngă Khua hlăm Anôk dlăng bruă Đảng gưl dlông tal XIV.

Hluê hŏng boh tŭ hưn mthâo mơ̆ng Anôk dlăng bruă Đảng gưl dlông, Phŭn bruă kđi čar gưl XIV ruah leh Trần Cẩm Tú, Khua hlăm Phŭn bruă kđi čar lŏ păn ngă Khua hlăm Anôk dlăng bruă Đảng gưl dlông.

Trần Cẩm Tú kkiêng hruê 25/8/1961; ƀuôn sang čar Hà Tĩnh. Ñu jing khua hlăm Phŭn bruă kđi čar: Gưl XIII, XIV; Khua hlăm anôk bruă Đảng gưl dlông: Gưl XII (mlan 6/2018), XIII (mlan 4/2021), XIV; Khua hlăm Anôk bruă Đảng gưl dlông: Gưl X (mkăp), XI, XII, XIII, XIV; Khua hlăm Anôk bruă Đảng gưl XIII (mơ̆ng 25/10/2024), XIV; Pô bi ala Anôk bruă kƀĭn ala: Gưl XV.

Trần Cẩm Tú tuôm păn ngă lu bruă msĕ si Kơiăng khua Dhar bruă ksiêm dlăng Gưl dlông, Khua bruă Đảng čar Thái Bình; kơiăng khua Dhar bruă ksiêm dlăng gưl dlông lehanăn Khua Dhar bruă ksiêm dlăng Gưl dlông.