Êlâo anăn, ti Klei bi kƀĭn tal saAnôk kriê dlăng bruă Đảng gưl dlông tal XIV, Trần Sỹ Thanh dưi ruah hlăm Phŭn bruă kđi čar gưl XIV.

Khua Dhar bruă ksiêm dlăng gưl dlông mrâo Trần Sỹ Thanh kkiêng thŭn 1971, ƀuôn snag čar Nghệ An. Ñu hriăm Thạc sĩ Bruă duh mkra, Sang hră gưl prŏng bruă Ngăn prăk – Ksiêm tĭng;  Cao cấp lý luận chính trị.

Ñu jing khua hlăm Anôk bruă Đảng gưl dlông tal XI (mkăp), XII, XIII, XIV; bi ala Anôk bruă kƀĭn ala 2 gưl XIV, XV.

Hlăm hdră mă bruă, ñu tuôm păn ngă: Khua Adŭ bruă Hjiê ngăn prăk ala čar (Phŭn bruă Ngăn prăk), Kơiăng khua knơ̆ng bruă Hjiê ngăn prăk ala čar, Kơiăng khua knơ̆ng bruă sang čư̆ êa čar Dak Lak, Kơiăng khua bruă Đảng čar Dak Lak, Khua bruă Đảng čar Bắc Giang; Kơiăng khua Dhar bruă ksiêm dlăng Gưl dlông, Khua bruă Đảng čar Lạng Sơn; kơiăng khua Adŭ bruă Duh mkra Gưl dlông, Khua kiă kriê Êpul grŭp êwa čuh ala čar; Kơiăng khua Adŭ bruă anôk kƀĭn ala, knơ̆ng ksiêm tĭng knŭk kna.

Mlan 7/2022, Phŭn bruă kđi čar brei Trần Sỹ Thanh mŭt hlăm Anôk dlăng bruă, Anôk kriê dlăng bruă Đảng lehanăn păn ngă Kơiăng khua bruă Đảng ƀuôn prŏng Hà Nội. Leh kơnăn, ñu mâo Êpul gơ̆ng bruă ƀuôn sang ƀuôn prŏng Hà Nội ruah ngă Khua knơ̆ng bruă sang čư̆ êa ƀuôn prŏng Hà Nội. Hruê 5/11/2025, ti Klei bi kƀĭn tal 14 mơ̆ng Anôk kriê dlăng bruă Đảng gưl dlông tal XIII, Trần Sỹ Thanh  dưi ruah nhă Khua hlăm Dhar bruă ksiêm dlăng gưl dlông lehanăn dưi păn ngă Khua Dhar bruă ksiêm dlăng Gưl dlông tal XIII./.