Êlâo anăn, hruê 22/1, Klei bi kƀĭn tal XIV mơ̆ng Đảng hưn mthâo leh boh tŭ hdră ruah khua lehanăn bi mklă anăn phung khua êmua djŏ ruah hlăm Anôk dlăng bruă Đảng gưl dlông tal XIV.

Hluê si klei hưn mdah bruă klei mrâo, hlăm hruê mă bruă tal 4. Klei bi kƀĭn mă bruă jih sa hruê čiăng bi trông lehanăn hluê ngă dŭm mta phŭn hlăm hdră knuă druh Anôk dlăng bruă Đảng gưl dlông tal XIV. Khua gĭt gai Đảng Tô Lâm bi ala Êpul khua kiă kriê gĭt gai Klei bi kƀĭn. Lê Minh Hưng, Khua hlăm Phŭn bruă kđi čar, Khua bruă Đảng gưl dlông, Khua anôk mkŏ mjing Gưl dlông bi ala Êpul khua kiă kriê ba mdah leh Hră hưn mthâo mơ̆ng Anôk kriê dlăng bruă Đảng gưl XIII kơ hdră knuă druh Anôk kriê dlăng bruă Đảng gưl XIV.

Klei bi kƀĭn bi trông lehanăn bi mklă ênoh phung khua êmua hlăm Anôk bruă Đảng gưl dlông tal XIV mâo 200 čô, mâo 180 čô khua êmua klă klơ̆ng lehanăn 20 čô khua êmua mkăp. Phung bi ala ksiêm dlăng, bi trông Hră hâo mdah knuă druh hlăm Anôk kriê dlăng bruă Đảng gưl dlông tal XIV; mgơ̆ng ruah, ksiêm dlăng dŭm mta hră mơar, ksiêm dlăng hră mơ̆ng knuă druh.

Êpul khua kiă kriê hmư̆ leh phung khua êpul hưn mdah kơ boh tŭ bi trông mơ̆ng Êpul bi ala hŏng klei Hưn mdah hdră knuă druh mơ̆ng Anôk kriê dlăng bruă Đảng gưl dlông tal XIV, bruă mgơ̆ng ruah, phung akâo kbiă mơ̆ng anăn mgơ̆ng ruah, hưn mthâo mgơ̆ng ruah hlăm anăn ruah. Êpul khua kiă kriê hưn mthâo ti Klei bi kƀĭn lehanăn bi mklă anăn phung ruah hlăm Anôk kriê dlăng bruă Đảng gưl dlông tal XIV; ruah Anôk bruă ksiêm hră mplĕ, Anôk ksiêm dlăng hră mplĕ ktrâo lač kơ bruă ruah khua.

Klei bi kƀĭn hluê ngă hdră čih hră mplĕ, mplĕ hră, hưn mthâo boh tŭ lehanăn bi mklă anăn phung khua mgơ̆ng ruah hlăm Anôk kriê dlăng bruă Đảng gưl dlông tal XIV./.