Mơ̆ng hruê 1/12/2025 truh kơ hruê 10/1/2026, dŭm êpul hlăm Phŭn bruă lĭng kahan, Kahan krĭng lehanăn Knơ̆ng gĭt gai lĭng kahan čar ba nao êbeh 204 êbâo čô knuă druh, lĭng kahan hŏng giăm 6000 kdrăp mnơ̆ng truh ti dŭm alŭ wăl hmăi kjham ti nah Ngŏ čar Dak Lak, mkŏ mjing 331 êpul rŭ mdơ̆ng lehanăn 140 êpul kăp mkra mđĭ, ti grăp alŭ wăl, grăp gŏ sang.

Boh tŭ, hdră anei mdơ̆ng leh 331 boh sang kơ dŭm gŏ sang mâo sang dlưh, mkra 90 boh sang jhat rai; mbĭt anăn msir mghaih giăm 63.220 met êlan klông, knơ̆ng mbông êa, pral mkăp kơ yan ngă bruă Puih mnga. Klei bi kƀĭn bi mni ai tiê pral kdal, đua klam mơ̆ng dŭm êpul lehanăn klei bi hgŭm mơ̆ng dŭm alŭ wăl ba nao leh mnuih, kdrăp mnơ̆ng, rơ̆ng hluê ngă kjăp dŭm hdră bruă./.