VOV.Êđê- Hlăm hdră nao čhưn gưl knŭk kna ti Australia mơ̆ng Khua gĭt gai Đảng, Khua lăn čar Tô Lâm leh anăn Êpul bi ala gưl dlông Việt Nam (mơ̆ng hruê 9 - 12/8), dua tĭng bi tŭ ư 3 klei hưn mdah mbĭt leh anăn bi siñê 13 hră mơar bi hgŭm, mjing boh kdrŭt mrâo kơ klei bi mjĕ Ƀĭng hgŭm phŭn kluôm dhuôm Việt Nam - Australia.

VOV.Êđê- Tlam 11/8, ti Anôk bruă knŭk kna, Khua knŭk kna Lê Minh Hưng mâo leh klei blŭ hrăm êlan đĭng blŭ gưl dlông hŏng Khua knŭk kna ala mtao Belanda Rob Jetten.

VOV.Êđê- Ăt hlăm aguah mbruê 11/8 (hluê mmông alŭ wăl), hlăm hdră nao čhưn gưl knŭk kna ti Australia, Khua gĭt gai Đảng, Khua lăn čar Tô Lâm bi trông leh hŏng Khua knŭk kna Australia Anthony Albanese ti Sang bruă kƀĭn ala Australia.

VOV.Êđê- Hruê mbruê 11/8 (hluê mmông alŭ wăl) leh Knăm drông gưl knŭk kna dưi mkŏ mjing kdrưh kơăm ti Anôk bruă Khua bi ala ti ƀuôn prŏng phŭn Canberra hluê si klei bhiăn drông khua gĭt gai lăn čar, Khua gĭt gai Đảng, Khua lăn čar Tô Lâm mâo leh klei bi tuôm hŏng Khua bi ala Australia, Sam Mostyn.

VOV.Êđê- Leh bi ruê̆ dŭm bruă ngă ti ƀuôn prŏng Sydney (Australia), tlam 10/8 (mmông alŭ wăl), Khua gĭt gai Đảng, Khua lăn čar Tô Lâm mbĭt hŏng êpul bi ala gưl dlông Việt Nam nao leh ti ƀuôn prŏng phŭn Canberra, lŏ dơ̆ng gưl nao čhưn gưl Knŭk kna Australia, tui si klei iêo jak mơ̆ng Khua knŭk kna Australia, Sam Mostyn.

VOV.Êđê- Thŭn hriăm 2026–2027, 3.100 čô hđeh ti dŭm boh ƀuôn hgŭm knông lăn mơ̆ng čar Dak Lak mâo Ia Rvê, Ia Lốp lehanăn Ƀuôn Đon srăng mphŭn hriăm, dôk dơ̆ng ƀơ̆ng huă ti dŭm boh sang hră knŭk kna čiêm rông. Amâo djŏ knŏng mâo klei găl hriăm hră, anôk bruă nah gŭ jăk hĭn, phung hđeh lŏ dưi hdĭp hlăm wăl anôk jăk găl čiăng mjuăt bi hriăm, đĭ kyar lehanăn ƀrư̆ ƀrư̆ đĭ hriê kơ prŏng.

Ơ ƀĭng dôk hmư̆! Mđing hmư̆ mnuih ƀuôn sang, anôk bruă duh mkra, blŭ hrăm hŏng phung êdam êra leh anăn yuôm bhăn hĭn jing msir mghaih dŭm boh klei dưi ba mdah dôk mâo bruă sang čư̆ êa čar Gia Lai bi mklă jing klei čiăng hlăm klei kiă kriê. Mơ̆ng mlan 8 anei, čar pŏk ngă hdră "Mnuih ƀuôn sang, anôk bruă duh mkra êmuh - Bruă sang čư̆ êa čar Gia Lai wĭt lač". Khua anôk bruă sang čư̆ êa čar Gia Lai mñă klă: bruă sang čư̆ êa mđing hmư̆ nanao čiăng ngă bruă, mjing wăl čiăng kơ mnuih ƀuôn sang, anôk bruă duh mkra leh anăn phung êdam êra đĭ kyar.

VOV.Êđê- Hruê mbruê 10/8, Êpul mơ̆ng knŭk kna ala čar yang ƀuôn ngă phŭn êngiê Việt Nam mâo Khua knŭk kna Lê Minh Hưng djă akŏ nao dưm leh kwang mnga, čang ênuh kơ Saysomphone Phomvihane, Khua hlăm Phŭn bruă kđi čar, Khua bruă kƀĭn ala ala čar Lao, ti Anôk bruă bi ala ala čar Lao ti Việt Nam.

VOV.Êđê- Kđông kahan răng mgang knông lăn Thanh Hải bi hgŭm hŏng Anôk bruă bi hgŭm tui duah, đru dŏng mnuih hlăm êa krĭng III hưn mthâo klei bhiăn kdơ̆ng hŏng klei trah mă IUU leh anăn klei thâo êđăp ênang hlăm êa ksĭ kơ dŭm êtuh čô pô kŭm păn, khua kŭm păn, mnuih trah mă kan ti ƀuôn hgŭm Phú Thủy, čar Lâm Đồng.

VOV.Êđê- Hlăm hdră nao čhưn ti Australia, hruê 10/8, Khua gĭt gai Đảng, Khua lăn čar Tô Lâm nao leh anăn blŭ hrăm ti Klei bi kƀĭn kreh knhâo kdrăp mrâo, mlih mrâo mbruă, duh bi liê, mtô mjuăt bi hriăm leh anăn Mđĭ kyar mnuih mă bruă Việt Nam-Austraylia 2026.