Thŭn 2026, bruă lŏ hma krĭng Lăn Dap Kngư leh anăn Dhŭng kwar Krah lŏ dơ̆ng đĭ kyar hơĭt kjăp. Ênhă mdiê mâo hlăm brô 782.000 ha, hnơ̆ng mâo giăm 65 tạ/ha, hnơ̆ng mâo êbeh 5 êklăk tôn. Ana boh kroh mâo êbeh 3 êklăk tôn. Hŏng ana pla mjing mkăn, kphê lŏ dơ̆ng păn kjăp bruă klam phŭn hlăm dŭm mnơ̆ng dhơ̆ng ba čhĭ kơ ala tač êngao, hrui wĭt êbeh 6.5 êklai USD. Kluôm krĭng mâo êbeh 2.000 mrô knăl krĭng pla mjing hŏng ênhă 57.000 ha leh anăn êbeh 600 anôk đŭng hruh. Ƀiădah, bruă pla mjing krĭng Dhŭng kwar Krah leh anăn Lăn Dap Kngư ăt tuôm hŏng klei dleh dlan kyua hnơ̆ng kdrăp ngă bruă pla mjing adôk ƀiă, bruă ba yua djuê mjeh ka mkăp djŏ hŏng klei čiăng, klei mnơ̆ng ngă hlăm ana pla mjing phŭn leh anăn dŭm hnơ̆ng čuăn ƀrư̆ hruê ƀrư̆ ktang phĭt mơ̆ng anôk ba čhĭ.

Ti anăp klei hŭi hyưt El Nino ngă kƀah êa, yan adiê amâo jăk, dŭm alŭ wăl akâo ruh mtlaih klei dleh dlan kơ knơ̆ng kdơ̆ng êa, kriê dlăng mnơ̆ng yua bruă lŏ hma leh anăn mkŏ mjing bruă pla mjing djŏ guôp. Ti anôk bi kƀĭn, Phŭn bruă lŏ hma leh anăn wăl hdĭp mda mñă klă klei čiăng mđĭ hnơ̆ng tŭ jăk mnơ̆ng dhơ̆ng lŏ hma, mkŏ mjing bruă mkra mjing djŏ hdră leh anăn mđĭ klei bi hgŭm plah wah ƀĭng ngă lŏ hma, êpul hgŭm bruă hŏng anôk bruă duh mkra. Ti anăp klei hŭi hyưt El Nino ngă klei không kƀah êa, dŭm alŭ wăl brei pral mkŏ mjing hdră mdrơ̆ng, ksiêm dlăng phŭn mkăp êa leh anăn knơ̆ng kdơ̆ng êa, mkra mlih yan pla mjing, mkŏ dăp mnơ̆ng pla djŏ guôp, amâo brei mâo klei kpăk tơdah mâo klei không kƀah êa.