Klei bi lông anei mâo hnơ̆ng prŏng wăt kơ êpul lĭng kahan leh anăn kdrăp mnơ̆ng, hŏng klei nao hgŭm êbeh 2.600 čô leh anăn dŭm êtuh kdrăp mnơ̆ng, kdrăp yua, mâo wăt êdeh phiơr, asâo mă bruă. Mta phŭn klei bi lông mâo 2 wưng: Mkŏ mjing anôk gĭt gai bi hgŭm leh anăn jao bruă klam, mkŏ mjing klei bi hgŭm.

Wưng tal 2 jing hluê ngă hdră mdrơ̆ng hŏng klei truh jŭ jhat mơ̆ng angĭn êbŭ, hŏng dŭm mta phŭn: Dŏng mdrao mjêč mnuih ƀuôn sang krĭng êngăp êa leh anăn pŏk ngă sang êa drao jing jai; msir mgaih klei klưh rai anôk bruă nah gŭ; mdrơ̆ng hŏng klei ƀơ̆ng djŏ mnơ̆ng ruă, ba čhĭ mnơ̆ng soh hŏng klei bhiăn… Hluê ngă klei hriăm mjuăt kñăm mđĭ klei thâo gĭt gai, leh anăn klei thâo bi hgŭm, bi mguôp plah wah lĭng kahan tlâo ala čar Việt Nam - Lào - Campuchia hlăm hdră đru dŏng klei truh jŭ jhat, klei amâo jăk, yan adiê ngă hnơ̆ng prŏng, mkăp djŏ hŏng klei čiăng, bruă klam răng mgang yang ƀuôn hlăm boh klei mrâo./.