https://vov.vn/xa-hoi/vov-tay-nguyen-tuyen-dung-3-vien-chuc-lam-viec-tai-dak-lak-post1341425.vov.

Dŭm bruă hrŏng ruah mâo: 1 čô êkei mă bruă hdră mđung asăp blŭ klei Êđê, 1 čô mniê mă bruă hdră mđung asăp blŭ klei Jarai, leh anăn 1 čô čih klei mrâo

Bi kơ ênoh čuăn hrŏng ruah mnuih mă bruă, phung nao mgơ̆ng ruah srăng mâo djăp dŭm klei găl hluê si klei čuăn, hlăm anăn jing mnuih ala čar Việt Nam, mâo hră mơar klă nik, knhuah hdĭp kđi čar, knuih hdĭp jăk leh anăn mâo dŭm hră tŭ yap găl guôp hŏng bruă mă.

Bi hŏng bruă mă čih mkra, mblang, mđung asăp blŭ klei Êđê, klei Jarai, pô mgơ̆ng ruah srăng hriăm jih gưl prŏng kơ dlông, thâo dlăng raih, čih klei blŭ djuê ana, mâo đŏk răk jăk leh anăn thâo yua jăk klei Yuăn. Mđing kơ phung thâo čih klei yăl dliê, čih klei mrâo leh anăn thâo yua kdrăp mrâo đru mkra mjing mta phŭn mrô hlăm internet yang ƀuôn.

Bi hŏng bruă čih klei mrâo, pô mgơ̆ng asei srăng hriăm jih gưl prŏng kơ dlông, mâo đŏk răk jăk, thâo čih klei yăl dliê, čih klei mrâo leh anăn mâo djăp klei čuăn ba yua kdrăp mrâo hâo hưn. Phung mgơ̆ng ruah mâo klei hriăm mơ̆ng 1 thŭn kơ dlông hlăm bruă čih klei mrâo, hâo hưn, čih mkra amâodah mkra mjing mta phŭn mđung asăp, mđung rup, mta phŭn mrô srăng dưi mđing êlâo.

Hdră ruah mnuih mâo: Bi lông, ksiêm dlăng.

Wưng tŭ mă hră mơar hlăm mmông mă bruă mơ̆ng knăm 1 truh kơ knăm 5, mphŭn mơ̆ng hruê 15/10 truh kơ jih hruê 30/10/2026. Mnuih čih anăn ba jao Hră čih anăn bi lông hluê si hră mơar mrâo hĭn ti Adŭ bruă Hâo hưn - Mđung asăp blŭ, Anôk bruă dôk jưh krĭng Lăn Dap Kngư - Sang mđung asăp blŭ Việt Nam, mrô 19A Lê Duẩn, ƀuôn hgŭm Ƀuôn Ama Thuôt, čar Dak Lak.

Prăk tla hrŏng ruah jing 500.000 prăk/čô mnuih. Mnuih hrŏng ruah amâo mâo tla ôh ênoh prăk mkăn êngao kơ ênoh prăk anei. Prăk tla hrŏng ruah amâo dưi lŏ tla wĭt tơdah amâo djŏ ruah.

Klei hâo hưn klă klơ̆ng blŭ hrăm hŏng Nguyễn Hữu Hùng, Khua adŭ bruă ngă hră mơar - bi kƀĭn, mrô đĭng blŭ: 0905.044.466.