Vương Hải Bằng, Khua hlăm Anôk bruă Đảng čar Thiểm Tây, Khua bruă Đảng ƀuôn prŏng Diên An bi mklă gưl nao čhưn mơ̆ng Khua bruă kƀĭn ala jing klei găl yuôm bhăn čiăng mtrŭt mđĭ hĭn klei mjĕ giăm plah wah dŭm alŭ wăl Việt Nam hŏng ƀuôn prŏng Diên An.

Bi myuôm dŭm boh tŭ dưn mđĭ kyar mơ̆ng ƀuôn prŏng Diên An ăt msĕ mơh klei gĭr mơ̆ng ƀuôn prŏng hlăm bruă kriê pioh dŭm "anôk hrah", Khua bruă kƀĭn ala Trần Thanh Mẫn hơêč hmưi kơ ƀuôn prŏng Diên An lŏ dơ̆ng đĭ kyar leh anăn mtă kơ Diên An mbĭt hŏng dŭm alŭ wăl Việt Nam mđĭ hĭn klei bi hgŭm, mtrŭt mđĭ hĭn klei mjĕ êrô mnuih ƀuôn sang; mđĭ hĭn klei bi hgŭm bruă hiu čhưn ênguê, boh nik "hiu čhưn ênguê hrah" hluê knhuah gru phung cách mạng êlâo dih dua ala čar; bi hgŭm kriê pioh leh anăn mđĭ lar dŭm knhuah gru h ƀuê ênuk, dhar kreh, mtrŭt mđĭ klei mjĕ êrô mnuih ƀuôn sang. -Bí Thư Diên An kkuh drông Khua bruă kƀĭn ala Trần Thanh mẫn.