Hlăm ai êwa sĭt suôr, bi hgŭm, dua tĭng bi trông kơ dŭm klei đĭ kyar yuôm bhăn hlăm hdră hluê ngă boh tŭ dưn mơ̆ng Klei bi kƀĭn tal sa Anôk bruă bi hgŭm plah wah Anôk bruă kƀĭn ala Việt Nam leh anăn Anôk bruă kƀĭn ala kluôm ala China (8/2025).

Kñăm lŏ dơ̆ng bi êlam klei bi hgŭm dua ala čar wưng kơ anăp, Khua bruă kƀĭn ala Trần Thanh Mẫn leh anăn Khua Anôk bruă kƀĭn ala kluôm ala China Triệu Lạc Tế bi tŭ ư dua tĭng krơ̆ng kjăp klei bi trông gưl dlông, mjing tur knơ̆ng kđi čar kjăp hĭn kơ klei bi hgŭm hlăm dŭm êlan, dŭm mta bruă; bi klă hnơ̆ng mrâo kơ klei bi hgŭm klă sĭt dua nah, boh nik mtrŭt mđĭ klei bi hgŭm mnia blei đĭ kyar bi knar, hơĭt kjăp hĭn, duh bi liê hnơ̆ng tŭ jăk, mkŏ êlan êdeh treng bi knar, mrâo mrang, mtrŭt mđĭ klei bi hgŭm kreh knhâo kdrăp mrâo; amâo mdei bi kjăp tur knơ̆ng yang ƀuôn găl ênưih kơ klei bi hgŭm dua ala čar, mđĭ klei bi hgŭm alŭ wăl, mjĕ mjuk mnuih ƀuôn sang, bi hgŭm bruă sang hră mơar, dhar kreh, hiu čhưn ênguê; bi hgŭm lu tĭng kjăp hĭn; hrăm mbĭt kriê dlăng tŭ dưn êlan knông lăn hlăm êlan klông leh anăn ksiêm dlăng leh anăn msir mgaih jăk hĭn klei amâo thâo bi djŏ, krơ̆ng kjăp klei hơĭt, êđăp ênang hlăm êa ksĭ.