Ti anôk bi kƀĭn, Khua knŭk kna Lê Minh Hưng mñă klei čiăng mkăp brei pui kmlă jing bruă mjêč, klei găl tal êlâo čiăng hluê ngă tŭ dưn dŭm mta kñăm, bruă klam mđĭ kyar bruă duh mkra - ala ƀuôn hlăm thŭn 2026 - thŭn phŭn čiăng kơ thŭn 2027 jing thŭn đĭ kyar, kpưn đĭ leh anăn hluê ngă tŭ dưn dŭm mta kñăm, bruă klam mơ̆ng wưng păn bruă.

Khua knŭk kna mtă, brei pŏk ngă dŭm hdră êlan kdlưn hĭn, ktang hĭn, bi klă hnơ̆ng kčah, bruă klam klă klơ̆ng mơ̆ng grăp pô djŏ tuôm hŏng bruă pŏk ngă Hdră bruă pui kmlă. Phŭn bruă tuh tia mkra mjing gĭt gai, bi hgŭm hŏng dŭm phŭn dhar bruă, anôk bruă djŏ tuôm, dŭm alŭ wăl kơ boh klei pŏk ngă grăp hdră bruă; bi klă bruă klam mơ̆ng dŭm anôk bruă hlăm bruă hluê ngă, msir mghaih dŭm klei gun kpăk. Ai tiê jing bruă mkra mlih brei rơ̆ng klei dưi ngă bruă, bi leh leh anăn ba yua dŭm hdră bruă, hluê ngă djŏ klei bhiăn leh anăn rơ̆ng hnơ̆ng tŭ jăk./.