Hlăm klei bi kƀĭn, mnuih ƀuôn sang akâo mđing kơ dŭm bruă kơ klei hdĭp mda, anôk bruă nah gŭ leh anăn hdră duh ƀơ̆ng. Hlăm anăn, brei pral msir mghaih klei jhat rai, êngăp êa ti êlan dơ̆ng ala čar mrô 1 găn alŭ wăl ƀuôn hgŭm Bình Kiến; duh bi liê, mkra mđĭ sang bi kƀĭn êpul êya leh anăn hdră gang mkhư̆ klei yan adiê ngă ti dŭm krĭng mnuih ƀuôn sang dôk lu, krĭng tlung. Mnuih ƀuôn sang ăt akâo mđing kơ hdră mtrŭn, hdră bhiăn hŏng phung knuă druh ti nah gŭ leh anăn mnuih khua thŭn.

Klah čŭn mmông bi tuôm hŏng mnuih ƀuôn sang, Nguyễn Thanh Nghị čih yap dŭm klei blŭ, klei akâo mơ̆ng mnuih ƀuôn sang; mơ̆ng anăn, mtă kơ bruă sang čư̆ êa, anôk bruă djŏ tuôm čar Dak Lak bi mklă leh anăn msir mghaih jih dŭm boh klei hlăm klei dưi. Dŭm boh klei êgao klei dưi brei bi mklă, ba mdah kơ anôk bruă djŏ tuôm ksiêm dlăng. Êpul bi ala bruă kƀĭn ala čar mâo bruă klam ktuê dlăng, ksiêm dlăng hdră msir mghaih, rơ̆ng klei akâo djŏ klă mơ̆ng mnuih ƀuôn sang dưi msir mghaih.