Khua gĭt gai Đảng Tô Lâm kčưm klei nao čhưn kơ ala čar Azerbaijan
Thứ năm, 14:27, 08/05/2025
Pô mblang: Y-Khem Niê
Pô mblang: Y-Khem Niê
VOV4.Êđê - Leh mjưh ruĕ jăk siam gưl nao čhưn kơ ala čar Kazakhstan, tlam mbrue 7/5 (tui si mmông alŭ wăl), Khua gĭt gai Đảng Tô Lâm lehanăn mô̆ ñu mbĭt hŏng êpul khua prŏng Việt Nam truh leh kơ ala čar Azerbaijan, hlue si asăp jak iêo mơ̆ng khua mil čhil Ilham Aliyev.
Việt Nam lehanăn Azerbaijan mkŏ mjing klei mjĕ mgiăm mơ̆ng thŭn 1992. Dŭm thŭn giăm anei, klei bi hgŭm bruă duh mkra mnia mblei plah wah Việt Nam lehanăn Azerbaijan mâo leh klei đĭ kyar prŏng. Việt Nam čhĭ lu computer, đĭng blŭ, lehanăn kdrăp yua kơ mnơ̆ng anăn, lehanăn kan hdang truh kơ ala čar Azerbaijan, blei êa pui ka mkra mjing lehanăn dŭm mta mnơ̆ng mơ̆ng êa pui.
Klei nao čhưn tal anei mơ̆ng khua gĭt gai Đảng Tô Lâm jing klei hiu čhưn prŏng hĭn mơ̆ng phung khua kiă kriê Đảng lehanăn knŭk kna Việt Nam truh kơ Azerbaijan, srăng đru hyuă kjăp hĭn klei bi mguôp dua ala čar, boh nik hlăm dŭm bruă ala čar Azerbaijan mâo klei găl, msĕ si êa pui lehanăn lu bruă mkăn./.
Viết bình luận