Hlăm klei bi kƀĭn êpul mơ̆ng Klei bi kƀĭn tal 9, Bruă kƀĭn ala gưl XV, Khua knŭk kna Phạm Minh Chính mñă klă: Hlăm boh klei lu klei lông dlăng kluôm rŏng lăn, Việt Nam kčah hdră kñăm đĭ kyar êbeh 8% thŭn 2025 leh anăn hdră tă đĭ kyar dua ênoh mrô hlăm êdei anăp, gĭr jing ala čar đĭ kyar, prăk hrui wĭt lu hlăm thŭn 2045.

Čiăng ngă hdră kñăm anăn, Khua knŭk kna lač brei kƀĭn hlăm tlâo klei êdah êdi: klei bhiăn, anôk bruă nah gŭ leh anăn mnuih mă bruă. Hlăm anăn, êdah êdi jing mlih mrâo kơ klei bhiăn jing klei “kpăk đuôm mơ̆ng lu klei kpăk đuôm”, ƀiădah ăt jing klei hăl, boh kdrŭt kơ klei đĭ kyar. Khua knŭk kna mñă klă bruă hlue ngă Hdră mtrŭn 66, gĭr ruh mgaih klei dleh dlan klei bhiăn hlăm thŭn 2025 kñăm mjing klei bhiăn jing klei bi ktưn. Khua knŭk kna iêô mthưr Bruă kƀĭn ala lŏ dơ̆ng sa ai  hŏng klei mkra mlih klei bhiăn, mjing tur knơ̆ng kjăp čiăng kơ lăn čar đĭ kyar pral, kjăp hlăm wưng kơ anăp.