Hlăm gưl nao čuă, Khua knŭk kna Phạm Minh Chính mâo lu klei bi tuôm hŏng khua gĭt gai gưl dlông mơ̆ng Sweden, drông đa đa knơ̆ng bruă Sweden dôk mâo klei duh bi liê leh anăn mnai mblei ti Việt Nam, bi tuôm hŏng phung ksiêm duah, phunug thơ̆ng kơ bruă čiăng hưn mthâo dŭm hdră êlan prŏng mơ̆ng knŭk kna Việt Nam, bi tuôm leh anăn blŭ hrăm hŏng êpul êya mnuih Việt Nam ti Sweden.

Dua tĭng bi trông kơ dŭm hdră êlan mđĭ hĭn klei mjĕ giăm bi mguôp dua tĭng hlăm dŭm mta bruă mơ̆ng bruă kđi čar – bruă hŏng tač êngao, bruă duh mkra mnia mblei, kreh knhâo mrâo mrang, mlih mrâo mbruă, mlih mrô, mtô mjuăt bi hriăm, dhar kreh, hiu čhưn ênguê, mjuăt asei mlei, đĭ kyar hơĭt kjăp leh anăn mtrŭt mđĭ klei mjĕ êrô mnuih ƀuôn sang, đru bi êlam hĭn dŭm klei bi mguôp leh mâo, lŏ mđĭ thiăm lu mta bruă mâo klei găl, pŏk klei găl mrâo kơ klei bi mguôp dua tĭng.