Leh knăm tŭ drông, khua gĭt gai dua ala čar ngă klei blŭ hrăm hlăm ai êwa bi hgŭm, siă suôr leh anăn pŏk mlar. Dua tĭng bi trông kơ boh sĭt grăp lăn čar, bi trông kơ hdră tă prŏng leh anăn hdră êlan klă klơ̆ng čiăng mđĭ hĭn klei bi mguôp dua tĭng hlăm wưng kơ anăp.

Bi kơ bruă kđi čar – bruă hŏng tač êngao, dua ala čar tŭ ư mđĭ hĭn klei bi trông êpul dŭm gưl, boh nik jing gưl dlông, čiăng bi kjăp klei đăo knang leh anăn bi thâo săng hdơ̆ng pô. Bi kơ bruă duh mkra mnia mblei, duh bi liê, dua čô khua gĭt gai mñă klă anei jing kmeh gơ̆ng yuôm bhăn hlăm klei mjĕ giăm dua tĭng, tŭ ư dua ala čar dôk mâo lu klei găl mđĭ hnơ̆ng klei mnia mblei mnơ̆ng dhơ̆ng, pŏk mlar dŭm hdră bi mguôp msĕ si mtrŭt mđĭ klei mkŏ mjing dhar bruă mlir knŭk kna kơ klei bi mguôp klei kreh knhâo mrâo mrang, hluê ngă tŭ dưn klei kuôl kă mnia mblei êngiê Việt Nam – EU (EVFTA), mkŏ mjing klei găl čiăng kơ mnơ̆ng dhơ̆ng grăp lăn čar, hluê anăn mŭt hlăm Eu leh anăn ASEAN.