Khua bruă kƀĭn ala lač, ară anei mnuih ƀuôn sang, phung bi ala kơ mnuih ƀuôn sang dôk čang hmăng kơ bruă bi khuăt êpul mă bruă, ngă bruă tŭ dưn. Kyua hlăm wưng êgao, Đảng, Knŭk kna mtrŭn leh lu hdră čiăng bi khuăt êpul mă bruă.

Ƀiădah boh sĭt, bruă bi hrŏ adôk ka klă, ngă kơ êpul mă bruă adôk mtŭk mtŭl, mâo lu đei phung mă bruă. Tal anei bruă hlue ngă bi khuăt êpul mă bruă hlue si Hdră mtrŭn 18 jing hdră êlan djŏ hŏng ai tiê mnuih ƀuôn sang. Klei mĭn Đảng djŏ hŏng ai tiê mnuih ƀuôn sang. Čiăng hlue ngă boh phŭn anei snăn wưng dua dleh dlan snăk. Dleh jing brei mkra mlih Hdră bhiăn phŭn. Khua bruă kƀĭn ala mñă klă, bruă mkra mlih Hdră bhiăn phŭn, bi leh klei bhiăn leh anăn hdră kčah brei nao êlâo sa knhuang, čiăng mjing hdră bhiăn kjăp kơ êpul bruă hlue ngă.