Kon Tum lŏ mâo sa čô djiê kyua grăm đah
Thứ năm, 14:29, 08/05/2025
Pô mblang: Y-Khem Niê
Pô mblang: Y-Khem Niê
VOV4.Êđê - Knŏng hlăm krah mlan êgao ti čar Kon Tum mâo 3 klei grăm đah, ngă kơ 3 čô mnuih djiê, lehanăn 7 čô mnuih êka.
Klei tal 3 grăm đah djiê ti čar Kon Tum hlăk 10 h aguah hrue 7/5. Ktue êlan nao ngă bruă kliă pưk sang, Nguyễn Hồng, 63 thŭn ti să Đăk Hring, kdriêk Đăk Hà grăm đah hlŏng djiê.
Mnuih ƀuôn sang ƀuh ba kơ sang êa drao să Đăk Hring dŏng mdrao ƀiădah pô anăn djiê leh. Ti anôk grăm đah hlăk dôk hjan. Êlâo anăn, hrue 14/4 lehanăn hrue 26/4 hlăm kdriêk Ngọc Hồi, čar Kon Tum ăt mâo 2 klei grăm đah ngă djiê 2 čô mnuih, lehanăn 7 čô êka./.
Viết bình luận