Blŭ ti knăm anei, Trung tướng Nguyễn Anh Tuấn – Khua hlăm Anôk bruă kdid čar Lĭng kahan răng mgang knông lăn Việt Nam bi mni kơ dŭm klei đru mguôp mơ̆ng êpul hlăm 50 thŭn êgao, mbĭt anăn mtă kơ êpul lŏ dơ̆ng ksiêm dlăng kjăp klei mâo čiăng pŏk ngă dŭm hdră msir hlăm anôk bruă lĭng kahan răng mgang knông lăn.

Đại tá Đào Viết Hùng, Khua gĭt gai Lĭng kahan răng mgang knông lăn čar Dak Lak mñă leh klei gĭr mkŏ mjing êpul kahan thâo, knhâo, knhăk, ƀrư̆ ƀrư̆ mrâo mrang, sĭt suôr hŏng Đảng, Knŭk kna, Lĭng kahan lehanăn mnuih ƀuôn sang. Hŏng klei jao mơ̆ng Khua lăn čar, Trung tướng Nguyễn Anh Tuấn jao leh Medai răng mgang ala čar mrô Tlâo kơ Lĭng kahan răng mgang knông lăn čar Dak Lak, čih yap dŭm klei đru mguôp prŏng prĭn lehanănkjăp mơ̆ng êpul hlăm hdră răng mgang Ala čar.