Leh hmư̆ klei hưn mơ̆ng Phŭn bruă Tuh tia mnia mblei, klei blŭ mơ̆ng phung bi ala dŭm Phŭn, dhar bruă, klah čŭn ti knăm anei, Khua knŭk kna Phạm Minh Chính lač, truh kơ ară anei, tĭng Mi ba mdah leh wưng bi trông klă klơ̆ng, brei ƀuh klei jăk djŏ si klei ƀuăn hlăm gưl bi tuôm gưl dlông lehanăn dŭm mmông mă bruă êdei kơnăn mơ̆ng dua tĭng.

Khua knŭk kna gĭt ghai, hlăm hdră bi trông, hluê hŏng klei mâo klă klơ̆ng, brei mkra mlih hdră kčah djŏ guôp kơ jih dua tĭng. Khua knŭk kna brei mprăp klă klơ̆ng mta phŭn bi trông, hluê hŏng klei čiăng mơ̆ng Việt Nam lehanăn klei ba mdah mơ̆ng Mi, hluê boh tŭ ksiêm dlăng, klei găl mâo mơ̆ng Việt Nam lehanăn dŭm klei ƀuăn rơ̆ng čiăng ba mdah hdră bi trông djŏ guôp, bi êdah ai tiê rŭ mdơ̆ng, boh nik klei bi hgŭm kjăp, ai tiê mjĕ mjuk, ƀiădah rơ̆ng klei klă mngač./.