Hlăm mmông bi kƀĭn, bi ala kơ Khua gĭt gai Đảng leh anăn Knŭk kna, Khua lăn čar Lương Cường mđup brei Anăn knăl 40 thŭn Đảng leh anăn hơêč hmưi kơ Khua adŭ bruă Khua lăn čar Lê Khánh Hải. Mgei ai tiê leh anăn ktưn hưn mâo Anăn knăl 40 thŭn Đảng, Khua adŭ bruă Khua lăn čar Lê Khánh Hải bi êdah klei hdơr knga prŏng snăk hŏng Khua gĭt gai Đảng, Knŭk kna; Anôk dlăng bruă Đảng dŭm anôk bruă Đảng gưl dlông, bruă Đảng adŭ bruă Khua lăn čar hŏng phung mă bruă nao hgŭm, mđĭ ai leh anăn mkŏ mjing kdrưh kơăm, yuôm bhăn.

Lê Khánh Hải bi mklă srăng mbĭt hŏng Adŭ bruă Khua lăn čar lŏ dơ̆ng bi hgŭm, hrăm mbĭt sa ai tiê găn djăp klei dleh dlan, gĭr ktưn bi leh bruă klam kđi čar mơ̆ng anôk bruă, mkŏ mjing bruă Đảng ƀrư̆ doh mngač, kjăp ktang, đru mguôp jăk hlăm bruă mkŏ mjing leh anăn răng mgang čar kwar hlăm ênuk mrâo, ênuk đĭ kyar mdrŏng sah, jăk mơak.