Khua knŭk kna Phạm Minh Chính mjưh rtuĕ jăk siam klei nao čhưn kơ ala čar Prăng
Thứ năm, 14:57, 12/06/2025
Pô mblang: Y-Khem Niê
Pô mblang: Y-Khem Niê
VOV4.Êđê - Khua knŭk kna Phạm Minh Chính lehanăn mô̆ ñu mbĭt hŏng êpul bi ala gưl dlông Việt Nam ruĕ leh mơ̆ng anôk bi kƀĭn kơ êa ksĭ, mâo Êpul hgŭm lu ala čar mkŏ mjing gưl tal 3, lehanăn lu bruă bi kƀĭn dua nah ti ala čar Prăng, tui si klei jak iêo mơ̆ng khua knơ̆ng gĭt gai êpul hgŭm lu ala čar Antonio Guterres lehanăn khua mil čhil prăng Emmanuel Macron.
Hlăm 4 hrue mă bruă ti Prăng, Khua knŭk kna Phạm Minh Chính mâo leh dŭm klei bi kƀĭn gưl dlông kơ êa ksĭ mơ̆ng êpul hgŭm lu ala čar. Khua knŭk kna mâo leh klei blŭ bi ala kơ êpul hgŭm ngŏ dhŭng Asi (ASEAN), lehanăn bi êdah hdră êlan mơ̆ng Việt Nam kơ klei kiă kriê êa ksĭ hŏng klei kjăp.
Khua knŭk kna mâo leh dŭm klei blŭ hrăm hŏng khua mil čhil Prăng Emmanuel Macron; bi trông hŏng khua knŭk kna Prăng Francois Bayrou; bi trông hŏng khua kiă kriê gưl dlông Gérard Larcher, Khua bruă kƀĭn ala Prăng Yael Braun-Pivet. Boh tŭ dưn mơ̆ng klei nao čhưn anăn, jing dua nah mâo leh klei kuôl kă lehanăn ngă hră čih pioh kơ bruă kiă kriê kjăp ngăn dŏ mnơ̆ng hlăm gŭ lăn lehanăn bruă pui kmlă./.
Viết bình luận