Kluôm čar dăp 42 anôk bi lông hŏng 718 adŭ bi lông. Čiăng rơ̆ng kơ klei bi lông êđăp ênang leh anăn djŏ hdră bhiăn, Knơ̆ng bruă sang hră mơar čar Gia Lai tiŏ nao leh 4.500 čô knuă druh, phung nai, phung mă bruă hlăm bruă mkŏ mjing.

Nao mbĭt hŏng mprăp kơ mnơ̆ng yua, dŭm sang hră gưl 3 ti alŭ wăl ngă leh hdră mtô, ksiêm wĭt klei hriăm mơ̆ng hnưm čiăng đru kơ phung hđeh bi kjăp klei hriăm. Hdră bruă đru hlăm klei bi lông ti dŭm alŭ wăl ăt dưi mkŏ mjing. 2.400 čô bi lông dleh dlan ti Gia Lai dưi mâo klei đru hŏng ênoh prăk êbeh 940 êklăk prăk. Bi ti ƀuôn prŏng Pleiku mkŏ mjing leh hdră êlan dăp anôk dôk, anôk huă ƀơ̆ng, mdei msăn kơ phung bi lông êngiê kyua bi lông hŏng hdră mtô bi hriăm 2006.