Hlăm mmông blŭ hrăm, dua tĭng bi myuôm klei mjĕ giăm bruă lĭng kahan dua nah ƀrư̆ hruê ƀrư̆ đĭ kyar, đru mguôp hlăm klei êđăp ênang, hơĭt kjăp hlăm alŭ wăl. Đại tướng Phan Văn Giang lač jăk kơ Singapore đru leh klei đru hriăm hră, tŭ drông khua kahan Việt Nam ngă bruă ti Anôk bruă kah mbha klei hưn klei êđăp ênang bruă dŭ mdiăng êlan êa ksĭ.

Khua Phŭn bruă Chan Chun Sing bi êdah klei hmăng hmưi mđĭ hĭn klei bi mguôp hlăm dŭm mta bruă, boh nik mtô mjuăt mnuih mă bruă leh anăn kah mbha klei hưn klei êđăp ênang. Ñu mñă klă srăng lŏ tŭ drông phung khua kahan Việt Nam nao hriăm ti Singapore, đru mđĭ ai dưi răng mgang mơ̆ng dua ala čar hlăm boh klei alŭ wăl mâo lu klei mlih dleh ksiêm dlăng.