Blŭ hrăm ti anôk anăn, Khua knơ̆ng bruă sang čư̆ êa čar Tạ Anh Tuấn mñă kơ bruă klam knơ̆ng mơ̆ng êpul bruă anei hlăm klei mkŏ mjing bruă sang čư̆ êa doh mngač, tŭ jing. Ñu đăo knang Khua anôk bruă kăp ksiêm srăng mđĭ hĭn ai tiê bruă klam, mă bruă tŭ jing, bi kdơ̆ng hŏng klei ƀơ̆ng ngăn, klei bi liê hơăi mung mang, mghaih msir klei kčŭt hưn.

Khua kiă kriê čar ăt jao bruă klam kơ anôk bruă kăp ksiêm pral ksiêm jih hră mơar klei bhiăn, bi kjăp klei thâo bi mguôp hlăm êpul bruă, mđĭ klei thâo kơ bruă knuă, kơ knhuah hdĭp hlăm phung knuă druh. Hồ Duy Thành mâo hnơ̆ng thâo Cử nhân Kinh tế, Cử nhân Luật, Thạc sĩ Lý luận lehanăn hƀuê ênuk lăn čar, lehanăn hdră bhiăn, mâo Cao čấp Lý luận chính trị. Êlâo kơ đĭ păn bruă mrâo, Hồ Duy Thành jing khua bruă Đảng kdriêk, khua êpul gơ̆ng bruă ƀuôn sang kdriêk MDrak lehanăn k'iăng khua anôk bruă ksiêm dlăng čar Daklak./.