Khua anôk bruă kƀĭn ala Trần Thanh Mẫn nao ti Klei bi kƀĭn IPU, nao čhưn ti Senegal lehanăn Morocco
Thứ ba, 10:38, 22/07/2025
VOV TAYNGUYEN
VOV TAYNGUYEN
VOV.Êđê- Aguah hruê 22/7, Khua anôk bruă kƀĭn ala Trần Thanh Mẫn mbĭt hŏng Mô̆ lehanăn Êpul bi ala gưl dlông Việt Nam đuê̆ mơ̆ng Hà Nội, nao ti Klei bi kƀĭn phung khua Anôk bruă kƀĭn ala tar rŏng lăn tal 6 ti Thụy Sĩ lehanăn nao čhưn ti Senegal.
Gưl čhưn ti Senegal mâo boh tŭ yuôm hƀuê ênuk, jing gưl hiu čhưn gưl dlông hĭn hlăm giăm 60 thŭn mkŏ mjing klei bi mjĕ plah wah dua ala čar. Anei jing gru kruăk yuôm hlăm klei bi mjĕ dua nah, mkŏ mjing hlăk Senegal jing sa hlăm hdră duh mkra đĭ kyar pral êdi krĭng Yŭ Afrĭk.
Gưl hiu čhưn tĭng srăng mtrŭt mđĭ hdră bi hgŭm anôk bruă kƀĭn ala êlam hĭn mbĭt anăn pŏk mlar kơ hdră bi hgŭm hlăm lu mta bruă msĕ si hdră duh mkra, mjuăt ktang asei mlei, bruă lŏ hma lehanăn bi hgŭm plah wah dŭm alŭ wăl. Lu klei kuôl kă hgŭm bruă yuôm bhăn dưi čang hmăng srăng dưi siñê hlăm gưl hiu čhưn, mjing tur knơ̆ng klei bi mjĕ Việt Nam – Senegal đĭ kyar hĭn hlăm wưng ti anăp./.
Viết bình luận