Hlăm anăn mdơ̆ng mrâo 2.220 boh sang, lehanăn mkra wĭt 520 boh sang đru kơ mnuih ƀuôn sang hơĭt klei hdĭp, duh ƀơ̆ng. Hlăm klei mă bruă, čar Kon Tum mâo iêo mkrum leh giăm 200 êklai prăk, hlăm anăn prăk mơ̆ng yang ƀuôn bi mkrum êbeh 102 êklai prăk, Phŭn bruă kahan ksiêm đru 84 êklai prăk lehanăn mnuih ƀuôn sang bi mguôp giăm 50 êklai mbĭt hŏng êbeh 180.000 hrue ai mă bruă.

Bruă sang čư̆ êa dŭm gưl hlăm čar ăt mâo lu hdră mghaih msir klei dleh dlan hŏng klei “ya dŏ mnơ̆ng mâo đru dŏ anăn, hlei dưi đru ai tiê đru ai tiê, hlei mâo ngăn dŏ đru ngăn dŏ, mâo lu đru lu mâo ƀiă đru ƀiă”. Wưng anei knơ̆ng bruă sang čư̆ êa čar Kon Tum mđup brei hră bi mni kơ 21 êpul lehanăn 32 čô mâo leh bruă kdlưn hĭn hlăm klei bi ktưn “Mđrăm mbĭt bi đru lăm lui sang tĭ rưč”./.