Ti anôk bi kƀĭn tal 2, Êpul khua kiă kriê bruă Đảng čar Daklak mđing trông čhai kơ dŭm ênoh čuăn, hdră kčah kơ klei mđĭ kyar bruă duh mkra ala ƀuôn, răng mgang klei êđăp ênang hlăm 6 mlan knhal jih thŭn 2025. Mơ̆ng boh tŭ dưn leh mâo hlăm 6 mlan akŏ thŭn, đĭ kyar êbeh 7%, čar čoh čuăn leh hlăm 6 mlan knhal jih thŭn djăp mơ̆ng 8% kơ dlông, hrui wĭt kơ knŭk kna êbeh 16.300 êklai prăk, hrui wĭt kah knar grăp čô mnuih djăp 80 êklăk prăk/čô hlăm thŭn 2025.

Tui si Nguyễn Đình Trung, Khua bruă Đảng čar Daklak, čiăng dưi bi sĭt ênoh čuăn anăn, čar bi leh bruă sang čư̆ êa dua gưl hŏng klei khuăt, tŭ jing, mđĭ klei thâo kiă kriê, gĭt gai hlăm dŭm gưl, êpul knuă druh mâo bruă đua klam prŏng, mđing kiă kriê, gĭt gai dŭm bruă phŭn. klei bi kƀĭn ăt trông čhai, mă klei blŭ kơ dŭm bruă mprăp kơ klei bi kƀĭn prŏng Đảng čar Daklak wưng thŭn 2025–2030.