Blŭ hrăm hlăm klei kƀĭn, Khua knŭk kna Phạm Minh Chính bi myuôm klei nao hgŭm mơ̆ng dŭm phŭn, dhar bruă, alŭ wăl ngă bruă sang čư̆ êa alŭ wăl 2 gưl. Lač klă boh tŭ dưn jing jăk, ƀiădah, Khua knŭk kna ăt ktrâo klă dŭm klei dleh kpăk djŏ tuôm hŏng lăn ala, hră mơar knŭk kna, hdră bhiăn, sang êa drao, sang hră mơar…

Lač hlăm boh sĭt, mnuih ƀuôn sang ka mưng ôh hŏng klei mlih mrô kyuanăn čiăng ngă hră mơar ăt nao ti anôk bruă ngă hră mơar knŭk kna, Khua knŭk kna mñă klă knăm kơ klei mlih mrô čiăng bi hrŏ hră mơar knŭk kna kơ mnuih ƀuôn sang, knơ̆ng bruă, ƀiădah ăt čiăng ksiêm wĭt, yua phần mềm mbĭt, rơ̆ng kơ klei ngă bruă kluôm leh anăn tŭ dưn.