Blŭ hrăm mphŭn pŏk klei bi trông, Khua bruă kƀĭn ala Trần Thanh Mẫn bi mni kơ klei Mphŭn bruă ngăn prăk leh anăn dŭm anôk bruă bi hgŭm mkŏ mjing Klei ƀi trông mkŏ mjing leh anăn Ba yua Anôk bruă ngăn prăk lu ala čar - Đru kčĕ kơ Việt Nam kñăm mđĭ klei bi hgŭm plah wah Việt Nam leh anăn Switz; lač, anei jing bruă ngă yuôm bhăn klă sĭt hlăm jar gưl  nao mă bruă mơ̆ng Êpul bi ala gưl dlông Việt Nam ti Switz.

Mñă klă, klei găl mơ̆ng dua ala čar ăt adôk prŏng, Khua bruă kƀĭn  ala mtă, Anôk bruă bi ala Việt Nam ti Switz leh anăn Êpul mă bruă Việt Nam ti djiêô Êpul hgŭm lu ala čar, Êpul bruă mnia blei dlông rŏng lăn leh anăn dŭm êpul bruă dlông rŏng lăn mkăn ti Geneva srăng bi hgŭm kjăp hĭn hŏng dŭm anôk bruă djŏ tuôm Switz, dŭm êpul bruă lu ala čar ti Switz čiăng hmao ruh mgaih klei dleh dlan hlăm bruă ngă hră mơar, bi hgŭm čiăng siñê plah wah dua ala čar, mjing klei găl čiăng ƀrư̆ hruê mâo lu hĭn phung duh bi liê Switz hlăm Việt Nam.