Hlăm dua klei bi tuôm, dua tĭng hơ̆k mơak ti anăp klei đĭ kyar mơ̆ng klei mjĕ giăm Japan – Việt Nam leh anăn hmăng hmưi klei bi tuôm tal anei jing klei găl kơ dua tĭng mtrŭt mđĭ leh anăn bi êlam hĭn klei bi mguôp hlăm êdei anăp. Bi kơ kdrêč pô, Đỗ Văn Chiến bi myuôm klei đĭ kyar amâo mâo mdei mơ̆ng klei mjĕ giăm dua nah hlăm djăp mta bruă, hŏng klei đăo knang bruă kđi čar, klei mjĕ giăm anei jing leh gru hmô klei tŭ dưn hlăm klei bi mguôp dua tĭng.

Đỗ Văn Chiến brei thâo, Japan dôk jing ƀĭng hgŭm mrô 1 kơ klei đĭ đĭ kyar klă klơ̆ng (ODA) leh anăn mnuih mă bruă, tal 3 kơ klei duh bi liê leh anăn bruă hiu čhưn ênguê, tal 4 kơ klei mnia mblei, hlăm ênoh dŭm ƀĭng hgŭm tar rŏng lăn mơ̆ng Việt Nam. Khua dhar bruă gưl dlông mặt trận čar kwar Việt Nam ăt hmăng hmưi klei bi mguôp dua nah srăng lŏ đĭ kyar ktang hĭn hlăm êdei anăp.