Blŭ hrăm ti anôk bi kƀĭn, Khua knŭk kna Phạm Minh Chính bi êdah leh dŭm boh tŭ dưn êdah êdi hlăm wưng êgao, boh nik lŏ dơ̆ng dăp wĭt êpul ngă bruă hlăm phŭn bruă kđi čar, dăp wĭt êpul mă bruă hlăm bruă sang čư̆ êa dua gưl; mprăp kơ klei bi kƀĭn prŏng Đảng gưl 14, hlue ngă hdră mtrŭn yuôm bhăn mkăn mơ̆ng Phŭn bruă kđi čar; Hlue ngă dŭm hdră êlan kơ klei hdĭp mda ala ƀuôn, msĕ si amâo lŏ mă ôh prăk tăk hriăm hră mơar, lăm lui sang tĭ rưč, hluh ƀrôč…

Khua knŭk kna mñă, mâo hĕ dŭm boh tŭ dưn anăn jing klei thâo bi mguôp jăk, tŭ dưn plah wah anôk bruă kƀĭn ala hŏng knŭk kna. Bruă Đảng bruă kƀĭn ala, Knŭk kna mâo klei bi mguôp. Bi sa ai, sa ai tiê, mđrăm mbĭt. Kyuanăn hŏng bruă prŏng, ƀiădah dưi bi leh hŏng klei jăk./.