Bruă anei mâo mkŏ mjing tinăn mtam lehanăn mkŏ online truh hŏng 102 boh ƀuôn hgŭm hlăm čar. Khua kiă kriê čar Daklak gư̆ leh kliăng mphŭn hlue ngă bruă bi mlih mrô Daklak wưng thŭn 2021-2025, tă hdră truh thŭn 2030 – mta phŭn kơ klei kkuh mơak klei bi kƀĭn prŏng bruă Đảng čar wưng thŭn 2025-2030.

Čar mtrŭt mjhar "100 hrue mjêč mruăt" (mơ̆ng hrue 15/7 – 25/10/2025) bruă “lŏ hriăm wĭt kdrăp mrô” čiăng bi kjăp klei thâo hlăm bruă mrô truh hŏng grăp boh ƀuôn, alŭ wăl anôk dôk. Bruă tinăp kñăm kơ jih jang mnuih ƀuôn sang, boh nik mnuih djuê ƀiă krĭng taih kbưi dưi dưn klei tŭ dưn mơ̆ng bruă anei, ngă bruă hŏng online jih jang bruă hŏng kdrăp mrô hlăm klei duh mkra mnia mblei. Ăt ti anôk bi kƀĭn anei, phung bi ala lông ba yua kdrăp mrô, ba yua  klei thâo mĭn anak mnuih AI pioh ksiêm dlăng dŭm mta mtrŭn, klei jao bruă, hlue ngă dŭm hdră êlan hlăm bruă ngă hră mơar./.